Ragna røk

G
Sat þar á haugi
G
ok sló hǫrpu
G
gýgjar hirðir
G
glaðr Eggþér
D
gól of hánum
G
í galgviði
D
fagrrauðr hani
C              G
sá er Fjalarr heitir

Gól of ásum
Gullinkambi
sá vekr hǫlða
at Herjafǫðrs
en annarr gelr
fyr jǫrð neðan
sótrauðr hani
at sǫlum Heljar

Em
Geyr nú Garmr mjǫk
    G
fyr Gnipahelli
Em
festr mun slitna
    G
en freki renna
C
fjǫlð veit ek frœða
D
fram sé ek lengra
    Em
um ragna røk
G
rǫmm sigtíva

Em
Brœðr munu berjask
G
ok at bǫnum verðask
Em
munu systrungar
G
sifjum spilla

hart er í heimi
hórdómr mikill
skeggǫld, skalmǫld
skildir ro klofnir
vindǫld, vargǫld
áðr verǫld steypisk
mun engi maðr
ǫðrum þyrma

Leika Míms synir
en mjǫtuðr kyndisk
at inu galla
Gjallarhorni
hátt blæss Heimdallr
horn er á lofti
mælir Óðinn
við Míms hǫfuð

Skelfr Yggdrasils
askr standandi
ymr it aldna tré
en jǫtunn losnar
hræðask allir
á helvegum,
áðr Surtar þann
sefi of gleypir

Em
Hvat er með ásum?
G
Hvat er með alfum?
Em
Gnýr allr Jǫtunheimr
G
æsir ro á þingi
D
stynja dvergar
G
fyr steindurum
D
veggbergs vísir.
C                   G
Vituð ér enn — eða hvat?

Geyr nú Garmr mjǫk
fyr Gnipahelli
festr mun slitna
en freki renna
fjǫlð veit ek frœða
fram sé ek lengra
um ragna røk
rǫmm sigtíva

Hrymr ekr austan
hefisk lind fyrir
snýsk Jǫrmungandr
í jǫtunmóði
ormr knýr unnir
en ari hlakkar
slítr nái niðfǫlr
Naglfar losnar

Kjóll ferr austan
koma munu Múspells
of lǫg lýðir
en Loki stýrir
fara fíflmegir
með freka allir
þeim er bróðir
Býleists í fǫr