Gullnar töflur

Am          G
Sér hon upp koma
C     Em
öðru sinni
Am      G
jörð ór ægi
F    Am
iðjagrœna
Am     G
falla forsar
C          Em
flýgr örn yfir
Am       G
sá er á fjalli
F      Am
fiska veiðir

Finnask æsir
á Iðavelli
ok um moldþinur
máttkan dœma
ok minnask þar
á megindóma
ok á Fimbultýs
fornar rúnir

Am
Þar munu eftir
F
undrsamligar
Am
gullnar töflur
   G
í grasi finnask
Am      F
þærs í árdaga
Em      Am
áttar höfðu

Munu ósánir
akrar vaxa
böls mun alls batna
Baldr mun koma
búa þeir Höðr ok Baldr
Hrofts sigtoftir
vé valtíva.
Vituð ér enn — eða hvat?

Þá kná Hœnir
hlautvið kjósa
ok burir byggja
brœðra tveggja
vindheim víðan.
Vituð ér enn — eða hvat?

Sal sér hon standa
sólu fegra
gulli þakðan
á Gimléi
þar skulu dyggvar
dróttir byggja
ok um aldrdaga
ynðis njóta

Am
Þá kemr inn ríki
    F
at regindómi
Am
öflugr ofan
      G
sá er öllu ræðr

Am
Þar kemr inn dimmi
F
dreki fljúgandi
Am
naðr fránn, neðan
    G
frá Niðafjöllum
Am          F
berr sér í fjöðrum
Em
flygr völl yfir
Am       F
Níðhöggr nái
Em          Am
nú mun hon sökkvask